BOJXONA SERVIS DAVLAT MUASSASASI

Kunning ikkinchi yarmida Bojxona qoʻmitasida tashrifning asosiy tadbiri – Oʻzbekiston va Malayziya bojxona xizmati rahbarlarining ikki tomonlama uchrashuvi boʻlib oʻtdi.

08.10.2025

Qoʻmita Raisi A.Mavlonov mehmonlarni yurtimizga tashrifi bilan qutlar ekan, Anis Rizana xonim Malayziya bojxona xizmatining Oʻzbekistonga tashrif buyurgan ilk rahbari boʻlganini eʼtirof etdi.

Muhtaram Prezidentimizning shu yilning fevral oyida Malayziyaga amalga oshirgan tashriflari davomida 2025-2026-yillar “Oʻzbekiston - Malayziya sherikligini innovatsion rivojlantirish davri” deb eʼlon qilingan edi.

Bu esa ikkala davlat oʻrtasida barcha yoʻnalishlarda, shu jumladan bojxona xizmatlari oʻrtasidagi hamkorlikni yanada rivojlantirishga asosiy turtki boʻlmoqda.

Uchrashuvda bojxona organlari faoliyatiga joriy qilingan Malayziyaning “Milliy yagona oyna” hamda Oʻzbekistonning “Yagona darcha” axborot tizimlari yuzasidan oʻzaro tajriba almashish, shu orqali Oʻzbekistonda 2027-yilga qadar ishga tushirilishi rejalashtirilgan “GATE” platformasini yanada mukammal ishlab chiqish yuzasidan fikr almashildi.

Taʼkidlanganidek, Malayziya bilan tobora oʻsib borayotgan tashqi savdo aylanmasi tovarlarning bojxona rasmiylashiruvini yanada tezlashtirishni taqozo qilmoqda.

Shu maqsadda Oʻzbekiston tomoni eksport mahsulotlari va ularning kelib chiqish mamlakatini tasdiqlovchi sertifikatlar haqida oldindan maʼlumotlar almashinuvini yoʻlga qoʻyishni hamda ikkala davlat oʻrtasida vakolatli iqtisodiy operatorlarni oʻzaro tan olish takliflarini ilgari surdi.

⚡️“Uzbek Import Fair 2025” xalqaro ko‘rgazmasi o‘z ishini boshladi

08.10.2025

▶️Bugun poytaxtimizdagi “O‘zekspomarkaz” ko‘rgazmalar majmuasida “Mahalliy kontentni oshirishda importni optimallashtirish” mavzusiga bag‘ishlangan “Uzbek Import Fair 2025” birinchi xalqaro ko‘rgazmasi tantanali tarzda o‘z ishini boshladi.

▶️Mazkur nufuzli tadbirning eng muhim jihatlaridan biri — unda nafaqat qo‘shni davlatlar, balki AQSH, Vengriya, Koreya, Misr, Ozarbayjon, Pokiston, Slovakiya, Quvayt va Yaponiya kabi mamlakatlardan qariyb 30 ta yirik xorijiy kompaniya vakillari ishtirok etish istagini bildirgan. Bu esa mazkur ko‘rgazmaning nafaqat milliy miqyosda, balki xalqaro hamkorlik maydoniga aylanib borayotganini yaqqol namoyon qilmoqda.

▶️Ko‘rgazmada sanoatning 24 yo‘nalishi bo‘yicha O‘zbekistonda ishlab chiqarish imkoniyati yuqori, biroq hozircha import hajmida ustun bo‘lgan 3 mingdan ortiq turdagi mahsulotlar taqdim etilyapti.

▶️Shu tariqa, “Uzbek Import Fair 2025” nafaqat import o‘rnini bosuvchi mahsulotlarni targ‘ib etish, balki xorijiy sarmoyadorlar bilan yangi hamkorlik aloqalarini yo‘lga qo‘yishda ham muhim platforma vazifasini o‘tamoqda.

👌Navoiy viloyati hokimligi
Axborot xizmati

Hududlardan xabarlar

1-oktabr – Oʻqituvchi va murabbiylar kuni munosabati bilan hududiy bojxona boshqarmalari tomonidan ustozlarga ehtirom va minnatdorlikni ifodalovchi turli maʼnaviy-marifiy tadbirlar tashkil etildi.

01.10.2025

Fargʻona, Namangan, Buxoro, Andijon, Sirdaryo, Surxondaryo va Samarqand viloyati bojxona boshqarmalariga biriktirilgan maktablarning fidoiy oʻqituvchilariga bayram sovgʻalari ulashildi.

Toshkent shahri, Buxoro va Toshkent viloyati bojxona boshqarmasi xodimlari tomonidan faxriy ustozlar yod etilib, ular holidan xabar olindi.

Qarshi shahridagi bolalar “Muruvvat” internat uyi pedagoglari hamda tarbiyalanuvchilariga bojxonachilarning samimiy tabrigi yoʻllandi.

Samarqand xalqaro aeroportida bojxona organlarida uzoq yillar fidokorona xizmat qilgan faxriylar ishtirokida uchrashuv tashkil etildi.

Tojikiston Respublikasi poytaxti Dushanbe shahrida MDHga a’zo davlatlar bojxona xizmatlari rahbarlari kengashining 81-yig‘ilishi bo‘lib o‘tdi. Tadbirda O‘zbekiston Respublikasi Bojxona qo‘mitasi Raisi A.Mavlonov boshchiligidagi delegatsiya ishtirok etdi.

26.09.2025

Yig‘ilishda Kengash faoliyatiga doir hisobot va 2026-yil uchun chora-tadbirlar rejasi muhokama qilindi, kun tartibida 16 ta amaliy va tashkiliy masalalar ko‘rib chiqildi.
Ta’kidlash joizki, ko‘rib chiqilgan asosiy masalalardan 2 tasi bevosita O‘zbekiston tashabbusi bilan kiritilganini inobatga olsak, Bojxona qo‘mitasining Kengashdagi ishtiroki va roli tobora oshib bormoqda.
Mazkur masalalar xalqaro yuk tashish uchun vaqtinchalik olib kirilgan konteynerlarga nisbatan bojxona nazoratini tashkil etish hamda MDH davlatlari bojxona hududlari orqali tranzit tarzida o‘tayotgan tovarlar va transport vositalari haqidagi o‘zaro ma’lumotlar almashinuvini yo‘lga qo‘yishni nazarda tutadi.
Bundan tashqari 81-uchrashuvda gibrid avtomobillar, mebel uchun gazli tayanchlar, quyosh panellarini yo‘naltirish va harakatlantirish uchun avtomatlashtirilgan boshqaruv tizimlari hamda ko‘p tarifli hisoblagichlarni tasniflash va ularning bojxona nazorati yuzasidan o‘zaro fikr va tajribalar almashildi.
Dushanbe uchrashuvining amaliy natijalaridan biri shuki, tomonlar MDHga a’zo davlatlar bojxona xizmatlarining bojxona maqsadlari uchun Ekspertiza va tadqiqotlar markazi to‘g‘risidagi Bitimni imzolashdi.
Yig‘ilish doirasida O‘zbekiston Respublikasi va Belarus Respublikasi bojxona xizmati rahbarlari Vakolatli iqtisodiy operatorlar bo‘yicha o‘zaro axborot almashishning Texnik shartlarini imzolashdi.

Bojxona qo‘mitasi Raisi o‘rinbosari O.Ibragimov Xorazm viloyatida bo'lib, bir qator bojxona ob’ektlari hamda ijtimoiy muassasalarda olib borilayotgan ishlar bilan yaqindan tanishdi. Dastlab “Shovot” chegara bojxona postida amalga oshirilayotgan qurilish va ta’mirlash ishlari ko‘zdan kechirildi.

20.09.2025

Hozirda postning kirish va chiqish yo‘laklarida rekonstruksiya hamda kapital ta’mirlash ishlari yakuniga yetkazilib, asfalt yotqizish ishlari olib borilmoqda.
O‘rganish jarayonida xizmat faoliyati, fuqarolar va haydovchilar uchun yaratilgan shart-sharoitlar, shuningdek postning kuz-qish mavsumiga tayyorgarligiga e'tibor qaratildi va zarur topshiriqlar berildi.
Ishchi guruh postga tutash hududda barpo etilayotgan «O‘zbekiston–Turkmaniston» erkin savdo zonasidagi qurilish jarayonini ham ko'zdan kechirdi.
3,1 gektar maydonni qamrab olgan mazkur savdo maydoniga kelgusida o'rnatiladigan bojxona nazorati uchun zarur texnik vositalar va ularning joylashuvi muhokama qilindi.
Xizmat safari doirasida O.Ibragimov Xiva shahridagi nogironligi bo‘lgan erkaklar uchun mo‘ljallangan «Muruvvat» internat uyida ham bo‘ldi. Hozirda mazkur maskanda 323 nafar fuqarolarimiz istiqomat qilmoqda, ularni 219 nafar muassasa xodimlari parvarish qiladi.
O‘rganishlar davomida tarbiyalanuvchilar va muassasa xodimlari bilan muloqot qilinib, yaratilgan sharoitlar bilan yaqindan tanishildi.
Shuningdek, qurilishi rejalashtirilayotgan ma’naviyat xonasi va sport zali, qayta ta’mirlanishi ko‘zda tutilgan kir yuvish xonasiga oid masalalar muhokama qilindi.
Muassasa mas’ullarining fikr va takliflari tinglanib, zarur chora-tadbirlar belgilab olindi.

Musodara qilingan 2021 yil CIMC yuk avtomobili - "Bojxona-Servis" Davlat muasassasi auksioni!

18.09.2025

“Bojxona-servis” davlat muasassasi tomonidan tashkil etilgan auksion orqali "CIMC" "QCC3312N656" rusumli, 2021 yilda ishlab chiqarilgan musodara qilingan yuk avtomobili sotuvga qo'yildi.

Marka: CIMC
Modeli: QCC3312N656
Yili: 2021
Turi: Yuk avtomobili
Bosilib o'tgan masofa: 0 km
Dvigatel: YC6K1034N-50
Ot kuchi: 340
Rangi: Shampan oltin
Boshlang'ich narx: 395 798 699 so'm

Auksionda ishtirok etish va qo'shimcha ma'lumot olish uchun bevosita "Bojxona-Servis" DMga murojaat qiling.

Murojaat uchun: +998700417471 Bojxona-Servis DM

Batafsil ma'lumot

Poytaxtimizda yaqinda foydalanishga topshirilgan Olimpiya shaharchasida yengil atletikaning 48 ta yo‘nalishi bo‘yicha musobaqalar o‘tkazishga mo‘ljallangan 9 qatorli yugurish yo‘lagidan iborat 12 ming o‘rinli yashil stadion bunyod etilgan.

11.09.2025

✔️ 118 ta VIP o‘rinlari va yuqori darajadagi mehmonlar uchun 23 ta o‘rin ajratilgan.
✔️ Ommaviy axborot vositalari vakillari va translyatsiyalar uchun alohida 3 ta maxsus xonalar mavjud.
✔️ 126 o‘rinli konferensiya zali esa musobaqa oldi, uning jarayonidagi yoki yakunidagi turli tadbir va yig‘ilishlarni o‘tkazish uchun shay holatda.
✔️Olimpiya stadionida yengil atletika musobaqalari uchun ham zamonaviy talablarga to‘liq javob beradigan xalqaro darajadagi yugurish yo‘lagi foydalanishga topshirilgan, mazkur yugurish yo‘laklarining rezina qoplamasi Jahon yengil atletika federatsiyasi rasmiy yetkazib beruvchilaridan biri hisoblanadigan italyan kompaniyasi tomonidan ishlab chiqarilgan.
✔️ Kompaniya mahsulotlari hozirgi kunda jahonning 2000 dan ortiq yengil atletika stadionlarda foydalanilib, 2008-yilgi Pekin, 2012-yilgi London, 2016-yilgi Rio-de-Janeyro va 2021-yilgi Tokio Olimpiya o‘yinlarida asosiy yugurish yo‘lakchalari sifatida tanlangan. Yuzlab jahon va qit’a rekordlari ham aynan ushbu kompaniya qoplamalarida o‘rnatilgan.
✔️ Mazkur stadionda jahon chempionati, Brilliant ligasi, paraatletika bahslari, ko‘zi ojizlar o‘rtasida IBSA o‘yinlarini tashkil etish mumkin.
✔️Boshqa paytlarda stadiondan mahalliy o‘quv-yig‘inlar, amaliy mashg‘ulotlar orqali dual ta’limda foydalaniladi.
Batafsil

Hurmatli yurtdoshlar! Bojxona qo‘mitasi hamda Investitsiyalar, sanoat va savdo vazirligi Sizni respublikamizda ilk bor o‘tkazilayotgan “Mahalliy kontentni oshirishda importni optimallashtirish” mavzusidagi "Uzbek Import Fair 2025" I-xalqaro ko‘rgazmaga taklif qiladi!

09.09.2025

 Ko‘rgazmada O‘zbekiston Respublikasida ishlab chiqarish imkoniyati yuqori bo‘lgan, ammo eng ko‘p import qilinayotgan tovarlar namoyish qilinadi. ✔️ Ko‘rgazma o‘z biznesini yo‘lga qo‘yish istagidagi tadbirkorlarga ichki bozorda import tovarlariga nisbatan real ehtiyoj hajmi bilan tanishish orqali o‘z bizneslarini yanada kengaytirish imkonini beradi! ✔️ Shuningdek, ko‘rgazmaga tashrif buyurgan ishtirokchilar nufuzli xorijiy brendlar va trans milliy kompaniyalar vakillari bilan B2B shaklidagi to‘g‘rida to‘g‘ri muzokaralar o‘tkazishlari mumkin. ✔️ Ko‘rgazmada taklif etilgan tijorat banklari esa import o‘rnini bosuvchi tovarlar ishlab chiqarishni moliyalashtirish bo‘yicha o‘z takliflari bilan ishtirok etishadi. ✔️ Ko‘rgazma doirasida sanoatning 24 ta sohasida ishlab chiqarishni kengaytirish hamda mahalliy kontentni rivojlantirish, bu boradagi muammolarni tizimli tahlil qilish va samarali yechimlar ishlab chiqishga qaratilgan panel sessiyalari tashkil qilinadi. ✔️ Mazkur sessiyalardagi muhokamalarda ilmiy qatlam va turli aql markazlari vakillari, xalqaro ekspertlar, mas’ul vazirlik va idoralar rahbarlari, tegishli mutaxassislari hamda yirik tadbirkorlar ishtirok etadi.
 
Ko‘rgazma 2025-yilning 7-9-oktabr kunlari poytaxtimizdagi “O‘zekspomarkaz” milliy ko‘rgazma maydonining 3- va 4-pavilonlarida bo‘lib o‘tadi! Ko‘rgazmada ishtirok eting va mahalliy kontent rivojiga o‘z hissangizni а! 📞Murojaat uchun telefon: 11-08 (Bojxona qo‘mitasining Call-markazi), +99890 176-33-99, +99893 001-50-09

Germaniya xalqaro hamkorlik jamiyati (GIZ) tomonidan Bojxona qo‘mitasi xodimlari uchun “Bojxona operatsiyalarida sunʼiy intellekt va o‘qitish texnologiyalarini joriy etish” mavzusidagi o‘quv seminariga start berildi.

09.09.2025

Shu munosabat bilan Bojxona qo‘mitasida GIZ vakillari bilan tashkil etilgan uchrashuvda bojxona organlari faoliyatiga tadbiq qilingan axborot tizimlaridagi mavjud maʼlumotlar bazasi ko‘magida sunʼiy intellekt elementlari orqali jarayonlarni yanada soddalashtirish istiqbollari haqida so‘z yuritildi. Bojxona qo‘mitasi Raisining birinchi o‘rinbosari G‘.Nasirov mehmonlarni tashrif bilan qutlar ekan, O‘zbekistonda savdo tartibotlarini soddalashtirish, bojxona maʼmuriyatchiligining innovatsion usullarini joriy etish, bojxona xizmati faoliyatini raqamlashtirish borasida qator yutuq va tajribalar qo‘lga kiritilgani, bunda esa Germaniya xalqaro hamkorlik jamiyati bilan hamkorlikning o‘ziga xos hissasi borligini mamnuniyat bilan qayd etdi. GIZ loyihasi xalqaro eksperti Jonatan Kox o‘z navbatida Bojxona qo‘mitasi tomonidan amalga oshirilayotgan islohotlarni yuqori baholab, hamkorlikni izchil davom ettirish muhim ahamiyatga ega ekanligini taʼkidlab o‘tdi. Loyiha mintaqaviy vakili Asel Uzagaliyeva mazkur seminardan kutilayotgan natijalar, missiyaning asosiy maqsadi va ko‘rib chiqiladigan masalalar yuzasidan batafsil maʼlumotlar berdi. Uchrashuvda bojxona organlarida sunʼiy intellekt yo‘nalishida amalga oshirilgan ishlar, ilg‘or xorijiy tajribalar o‘rganildi, shuningdek bojxona tizimida sunʼiy intellektni joriy etish borasidagi mavjud xolat tahlil qilinib, istiqboldagi loyihalar muhokama qilib olindi.

Bojxona qo‘mitasi va Oliy Majlis Senati huzuridagi Tadbirkor ayollar klubi hamda Tadbirkorlar va ishbilarmon ayollar birlashmasi o‘rtasida hamkorlik Memorandumi imzolandi.

05.09.2025

Shu munosabat bilan tashkil qilingan uchrashuvda Muhtaram Prezidentimiz tomonidan so‘nggi yillarda tadbirkorlikni qo‘llab-quvvatlash, xususan ayollarni ishbilarmonlikka jalb qilish borasida olib borilayotgan islohotlar haqida so‘z yuritildi. Natijada, so‘nggi 8 yilda O‘zbekistonda tadbirkor ayollar soni 2 barobar ko‘payib, mamlakatimizda tadbirkorlarning 40 foizdan ortig‘ini ayollar tashkil etmoqda. Uchrashuvda tadbirkorlarni qo‘llab-quvvatlash borasida bojxona organlari tomonidan olib borilayotgan chora-tadbirlar haqida to‘xtalib o‘tildi. Taʼkidlanganidek, so‘nggi yillarda sohani takomillashtirishga oid 60 ta normativ-huquqiy hujjatlar qabul qilindi, 35 ta yangi axborot tizimlari, 41 ta interaktiv xizmatlar, 11 ta mobil ilovalar ishlab chiqilib, amaliyotga joriy etildi. Tadbirkorlik subyektlariga yana-da yengillik yaratish maqsadida ishga tushirilgan “Eksport uch qadamda” dasturi natijasida esa ilgari 9 ta bosqichdan iborat bo‘lgan jarayonlar 3 barobarga qisqardi. Sohani raqamlashtirish hisobiga eksport hamda import deklaratsiyalarining 80 foizdan ortig‘i soddalashtirilgan tartibda rasmiylashtirilmoqda. Bunda inson omilisiz rasmiylashtirish hajmi eksportda 60 foizni, importda esa 40 foizni tashkil qilmoqda.

Qadrli yurtdoshlar! Shu kunlarda ijtimoiy tarmoqlarda go‘yoki bojxona organlari tomonidan musodara qilingan tovarlar hayratlanarli darajada arzon sotilayotgan turli kanallar targ‘ib qilinmoqda.

04.09.2025

Eslab qoling, bojxona organlari tomonidan muqaddam noqonuniy muomaladan olib qo‘yilgan va sud qarori asosida davlat egaligiga o‘tkazilgan tovarlar sotuvi faqatgina "Bojxona servis" davlat muassasasi tomonidan amalga oshiriladi. Buning uchun mazkur muassasaning Qoraqalpog‘iston Respublikasi, Toshkent shahri va barcha viloyatlar markazlarida rasmiy do‘konlari faoliyat yuritmoqda.

Shuningdek, "Bojxona-servis" davlat muassasasi tomonidan bu kabi tovarlar yarmarkasi ham tashkil qilib boriladi.

❗️ Shunday ekan, Sizdan obunachilar yig‘ish evaziga musodara tovarlarni arzon sotib olish taklifini bildiruvchi turli kanallarga aslo ishonmaslikni so‘raymiz! Murojaat uchun telefon: +998 70 041-74-71 "Bojxona servis" DM