BOJXONA SERVIS DAVLAT MUASSASASI

Bojxona qo‘mitasi va Oliy Majlis Senati huzuridagi Tadbirkor ayollar klubi hamda Tadbirkorlar va ishbilarmon ayollar birlashmasi o‘rtasida hamkorlik Memorandumi imzolandi.

05.09.2025

Shu munosabat bilan tashkil qilingan uchrashuvda Muhtaram Prezidentimiz tomonidan so‘nggi yillarda tadbirkorlikni qo‘llab-quvvatlash, xususan ayollarni ishbilarmonlikka jalb qilish borasida olib borilayotgan islohotlar haqida so‘z yuritildi. Natijada, so‘nggi 8 yilda O‘zbekistonda tadbirkor ayollar soni 2 barobar ko‘payib, mamlakatimizda tadbirkorlarning 40 foizdan ortig‘ini ayollar tashkil etmoqda. Uchrashuvda tadbirkorlarni qo‘llab-quvvatlash borasida bojxona organlari tomonidan olib borilayotgan chora-tadbirlar haqida to‘xtalib o‘tildi. Taʼkidlanganidek, so‘nggi yillarda sohani takomillashtirishga oid 60 ta normativ-huquqiy hujjatlar qabul qilindi, 35 ta yangi axborot tizimlari, 41 ta interaktiv xizmatlar, 11 ta mobil ilovalar ishlab chiqilib, amaliyotga joriy etildi. Tadbirkorlik subyektlariga yana-da yengillik yaratish maqsadida ishga tushirilgan “Eksport uch qadamda” dasturi natijasida esa ilgari 9 ta bosqichdan iborat bo‘lgan jarayonlar 3 barobarga qisqardi. Sohani raqamlashtirish hisobiga eksport hamda import deklaratsiyalarining 80 foizdan ortig‘i soddalashtirilgan tartibda rasmiylashtirilmoqda. Bunda inson omilisiz rasmiylashtirish hajmi eksportda 60 foizni, importda esa 40 foizni tashkil qilmoqda.

Qadrli yurtdoshlar! Shu kunlarda ijtimoiy tarmoqlarda go‘yoki bojxona organlari tomonidan musodara qilingan tovarlar hayratlanarli darajada arzon sotilayotgan turli kanallar targ‘ib qilinmoqda.

04.09.2025

Eslab qoling, bojxona organlari tomonidan muqaddam noqonuniy muomaladan olib qo‘yilgan va sud qarori asosida davlat egaligiga o‘tkazilgan tovarlar sotuvi faqatgina "Bojxona servis" davlat muassasasi tomonidan amalga oshiriladi. Buning uchun mazkur muassasaning Qoraqalpog‘iston Respublikasi, Toshkent shahri va barcha viloyatlar markazlarida rasmiy do‘konlari faoliyat yuritmoqda.

Shuningdek, "Bojxona-servis" davlat muassasasi tomonidan bu kabi tovarlar yarmarkasi ham tashkil qilib boriladi.

❗️ Shunday ekan, Sizdan obunachilar yig‘ish evaziga musodara tovarlarni arzon sotib olish taklifini bildiruvchi turli kanallarga aslo ishonmaslikni so‘raymiz! Murojaat uchun telefon: +998 70 041-74-71 "Bojxona servis" DM

Toshkent shahrida bojxona organlari tomonidan muqaddam noqonuniy muomaladan olib qo'yilgan va sud qarori asosida davlat egaligiga o'tkazilgan tovarlar yarmarkasi bo'lib o'tdi.

29.08.2025

Yarmarka Bojxona qo'mitasining bundan 3 yil muqaddam tashkil qilingan "Bojxona servis" davlat muassasasi tomonidan tashkil qilindi. Yarmarkada kiyim-kechaklar, poyabzal, maishiy texnika buyumlari, uyali aloqa vositalari, zargarlik buyumlari va boshqa turdagi tovarlar hamyonbop narxlarda sotuvga qo'yildi. Bugungi yarmarkaning o'zida o'rta hisobda 150 mln so'mlik tovarlar sotuvi amalga oshirildi. Mazkur mablag'lar ijtimoiy sohalarga, xususan "Ayollar daftari" va "Temir daftar"ga kiritilgan yurtdoshlarimizni ijtimoiy qo'llab-quvvatlashga sarflanadi.

“Bojxona-servis” davlat muassasasi va "Elektron-onlayn auksionlarni tashkil etish" AJ vakillari bilan uchrashuvi o'tkazildi.

20.10.2023

Ma'lumki, 2023 yil 4 oktyabr' kuni O'zbekiston Respublikasi Vazirlar Mahkamasining davlat daromadiga olingan mol-mulklarni soddalashtirilgan auksion tamoyillari asosida “E-auksion shop” elektron savdo do'koni orqali sotish tartibi to'g'risidagi qarori qabul qilindi.
Uchrashuvda “Bojxona-servis” davlat muassasasi davlat daromadiga o'tkazilgan mol-mulklarni “E-auksion shop” elektron savdo do'koni orqali sotish uchun buyurtmachi sifatida ro'yxatdan o'tkazish bo'yicha kelishuvga erishildi.

“Bojxona-servis” davlat muassasasi va onlayn savdo platformalari vakillari bilan hamkorlik uchrashuvi

17.10.2023

“Bojxona-servis” davlat muassasasining faoliyatini yanada jadallashtirish maqsadida, Bojxona qo'mitasida “Korzinka”, “Navas”, “Makro” savdo tarmoqlari hamda “Intent”, “AlifShop” va “StroyMart” kabi onlayn savdo platformalari vakillari bilan amaliy ishchi uchrashuv o'tkazildi.

Uchrashuvda, “Bojxona-servis” davlat muassasasi faoliyati to'g'risida ma'lumot berildi, muassasa faoliyatini yanada rivojlantirish borasida o'zaro hamkorlik o'rnatish, shuningdek muassasa tomonidan sotuvga chiqarilayotgan mahsulotlarni onlayn va muddatli to'lov asosida sotish yuzasidan muzokaralar o'tkazildi.

"Bojxona-servis" DM va “Bojxona brokerlari” uyushmasi o'rtalarida hamkorlik memorandum imzolandi

13.10.2023

 “Bojxona-servis” davlat muassasasining faoliyatini yanada jaddalashtirish maqsadida 2023 yil 13 oktyabr kuni "Bojxona-servis" DM va “Bojxona brokerlari” uyushmasi o'rtalarida hamkorlik memorandumi imzolandi.
 Ushbu memorandumning imzolanishi natijasida, tomonlarning birgalikdagi faoliyatini axborot bilan ta'minlash, bojxona ishining amaliy masalalari bo'yicha seminarlar, treninglar, mahorat darslarini birgalikda o'tkazish, normativ-huquqiy hujjatlari loyihalarini ishlab chiqishda ishtirok etish, tomonlarning qo'shma axborot-ma'rifiy loyihalarida ishtirok etish yo'nalishlarida faol hamkorlik yo'lga qo'yiladi.

Davlat daromadiga olingan mol-mulklar soddalashtirilgan auksion tamoyillari asosida “E-auksion shop” elektron savdo do'konida sotiladi.

6.10.2023

Bu haqida Vazirlar Mahkamasining 2023 yil 4 oktyabrda 526-son qarori qabul qilindi.
✅ Elektron savdo do'konida Majburiy ijro byurosi va uning hududiy tuzilmalari tomonidan tanlab olingan savdo tashkilotlari hamda “Bojxona servis” davlat muassasasi va uning hududiy bo'limlari buyurtmachi hisoblanadi.
✅ Elektron savdo do'konida savdo tegishli e'lon chiqarilgan kundan keyingi ish kuni soat 10.00 da boshlanadi va 5 ish kuni davomida, oxirgi ish kuni soat 18.00 ga qadar o'tkaziladi.
Qaror 2024 yil 6 yanvardan kuchga kiradi.

Telegramda "Musodara tovarlar" nomli feyk kanallar ko'paymoqda

15.08.2023

Bojxona qo'mitasing "Bojxona servis" davlat muassasasi yurtdoshlarimizni ogohlikka chorlaydi.

❗️ Unutmang!
Bojxona organlari tomonidan aniqlangan bojxona qonunbuzilishi holatlarida olib qo'yilgan va sud xukmiga binoan davlat foydasiga musodara qilingan tovarlarning savdosi faqatgina Bojxona qo'mitasining “Bojxona servis” davlat muassasasi tomonidan amalga oshiriladi. Buning uchun Siz “Bojxona servis” davlat muassasasining Toshkent shahri Yangihayot tumanidagi rasmiy dokoniga va ijtimoiy tarmoqlardagi sahifalariga murojaat qilishingiz mumkin.